“समृद्ध गौरीशंकर गाउँपालिकाको लागि वातावरणिय सन्तुलन सहितको अभियान”

 वडा नं. ३ साबिक झ्याकु गा.वि.स.का वडा नं. ५ देखि ९ सम्म समेटिएर बनेको हो। लगभग १,४८० जनसंख्या र १६.५ वर्ग किमी क्षेत्रफल रहेको यस वडाले भौगोलिक, सांस्कृतिक तथा सामाजिक दृष्टिले गौरीशंकर गाउँपालिकाभित्र विशिष्ट पहिचान बनाएको छ।
 सा साबिक झ्याकु गाविसअन्तर्गतका बस्तीहरूलाई समेटेर बनेको यस वडाले परम्परागत थामी संस्कृति, मौलिक जीवनशैली तथा भेषभूषा संरक्षणलाई आफ्नो मुख्य विशेषताका रूपमा अघि सारेको छ। यहाँका बासिन्दाहरूले पुस्तौंदेखि जोगाउँदै आएको सांस्कृतिक पहिचान आज पनि वडाको सामाजिक जीवनमा स्पष्ट रूपमा देख्न सकिन्छ। झ्याँकु गुम्बा, माने, चैत्य तथा अन्य बौद्ध सम्पदाहरूको उपस्थिति ले यस वडाको धार्मिक सहअस्तित्व, आध्यात्मिक वातावरण र सांस्कृतिक विविधतालाई प्रतिविम्बित गर्दछ।
 यस वडामा तामाङ, शेर्पा, नेपाली (ब्राह्मण/क्षेत्री) र जिरेल समुदायको सहअस्तित्व पाइन्छ। उनीहरूको साझा सामाजिक संरचना, आपसी सहयोग र सामुदायिक एकताले वडाको विकास प्रक्रियालाई थप बलियो बनाएको छ। आर्थिक रूपमा यो वडा मुख्यतः कृषि, पशुपालन तथा वैदेशिक रोजगारीमा निर्भर छ। स्थानीय उत्पादनमा कोदो, फापर, तरकारी तथा बाँसजन्य हस्तकला सामग्रीहरू महत्वपूर्ण मानिन्छन्। विशेषगरी बाँसबाट निर्मित दैनिक उपयोगका सामग्रीहरूले यहाँको स्थानीय सीप, हस्तकलात्मक क्षमता र आयआर्जनको सम्भावनालाई उजागर गर्छ।
 परम्परागत थामी संस्कृति र भेषभूषा संरक्षण । मुख्य पेशा कृषि र वैदेशिक रोजगार।
 ९6% विद्युतीकरण, कच्ची तथा ग्राभेल सडक संजाल, 5 वटा आधारभूत विद्यालय, 2 वटा स्वास्थ्य चौकी।